राजकुमार यादव

रौतहट न्यूज़// फतुवा विजयपुर नगरपालिका वडा नं.१ वरगिनिया बस्ने मदन यादवको घर नजिकै सोही ठाउँ निवासी रामविश्वास राय यादवले आफ्नै खालि जग्गामा धान काटेर थुपारी राखेको धानमा आगो लागे पछि ३ बर्षिय बालिका आराध्य कुमारी यादवकी मृत्यु भएको छ।

धान नजिकै केटाकेटिले आगो सल्काई आगो संग खेल्ने क्रममा अचानक थुपारी राखेको धानमा आगो लेगेको थियो। सो आगलगी बाट थुपारीको धान नजदिक मदन यादवको फुसको घर पुर्ण रुपमा जलि नष्ट भएको हो। अंदाजी २०००००(दुई लाख) बराबरको छति भएको र रामविश्वास राय यादवको १ विघा खेतको काटेर थुपारी राखेको धान पुर्ण रुपमा जलि नष्ट भएका छन्।

सो आगलगीमा परी सोही टोलका संजिव साहको छोरा अन्दाजी वर्ष २ को रोहित साह जलि गम्भीर घाईते भएको छ। बालक साहलाई उपचारको लागि विरगंज तर्फ लगेको जिप्रका रौतहटले जनाएको छ | आगलागि हुँदा आगो नियन्त्रणमा लिनको लागी वारुण यन्त्र, स्थानिय, सुरक्षाकर्मिहरुको सहयोगमा १५:४० बजे उक्त आगो पुर्ण रुपमा नियन्त्रणमा लिएको जिप्रका रौतहटले जनाएको छ।