–राजकुमार यादव

रौतहट न्यूज़// महान पर्व शुभ दिपावली एवं छठ अवसरमा मौलापुर नगरपालिकाले सरसफाई अभियान शुरू गरेकोछ । एक हप्ता देखि संचालन भई रहेको उक्त अभियान आज सोनरनिया सम्म पुगेकोछ ।

मौलापुर नगरपालिका द्वारा नगर सफा गर्ने कार्तिक ७ गते टोल टोलमा सुचना प्रकाशन गरेको थियो। सोको अनुरोप लगातार नगर सफा र सुघर बनाउने अपेक्षा राखी नगर प्रमुख रिना कुमारी साहकी नेतृत्वमा मौलापुर,चिरचिरिया,गम्हरिया,पतौरा, पथराबुधराम र सोनरनियाँमा सरसफाई कार्यक्रम सम्पन्न भएको नगर प्रमुख साहले बताईन्।

उक्त अभियान सँगसँगै फोहोरलाई आ–आफूले व्यवस्थापन गर्नुपर्ने, फोहोरलाई सडक पेटीमा जलाउन नहुने, छड, इँटा जस्ता व्यापारिक सामाग्री राख्न रोक लगाउने र त्यस्ता सामाग्री तथा वातावरण दूषित पार्ने काम गरेमा घरधनीलाई नगरपालिकाको नियमानसार कारवाही गर्ने मौलापुर नगरपालिकाकी नगर प्रमुख साहले बताउनुभयो । सो कार्यक्रममा जनप्रतिनिधि, कर्मचारी, समाजसेवी महिला सहितको सर्वसाधारणको उत्साहजनक सहभागिता रहेको थियो ।