राजकुमार यादव

रौतहटको मौलापुर नगरपालिका – ८ सोनरनियाँमा चट्याङ लागेर एक गाईको मृत्यु भएको छ । शनिबार विहान ८: ४० बजे गौकरण प्रसाद यादवको गाई बाख्रा राख्ने गोठ नजिकै चट्याङ परेको थियो । गोठ नजिकै बाँधेका एक गाईको मृत्यु भएको हो ।

सोही घटनामा गौकरण प्रसाद यादवको अन्दाजी ४० वर्षीय श्रीमती संझा देवी गम्भिर घाइते भएकी छन् । बिहीबार रातिदेखिको अविरल बर्षाका कारण चट्याङ लागने डारले सोनरनियाँका जनता त्रासित बनेका छन् । यहाँका स्थानीयका अनुसार विगत २ वर्ष देखी प्रत्येक साल चट्याङ लागेर एक जानाको मृत्यु हुदै आएको छ।

स्थानीयका अनुसार गएको असाढ महिनामा दिउँसो खेतमा धान रोप्ने क्रममा चट्याङ लागेर धरोहरी देवी धोबीको ज्यान गएको थियो । सोनरनियामा चटयाङको डर बढ्दै गएका छन् ।