–राजकुमार यादव

रौतहट न्युज़// कटहरिया नगरपालिका–८ बलुवामा मंगलबार राती अन्दाजी ९:३० बजे मोटरसाइकल दुर्घटना हुँदा एकजनाको मृत्यु भएको छ ।

ईलाका प्रहरी कार्यालय गरूडाका अनुसार कटहरीया देखी बलुवा हुदै घर जाने क्रममा ना ४२ प ७१४२ नम्बरको मोटरसाइकल दुर्घटना हुँदा देवाही गोनाही नगरपालिका-३ बस्ने २९ वर्षीय पप्पु पटेलको मृत्यु भएको हो।

मौलापुर विधुत प्राधिकरण करारमा १ वर्ष देखी फ्युजसेवाका कर्मचारी पटेल फ्युज लगई घर फर्कीदा बलुव स्थित पेट्रोल पम्प नजिक अचेत अवस्थामा प्रहरीलाई फेलापरेको थियो। पटेललाई उपचारको लागि जनजोती होस्पितलमा लैजादा डक्टरले मृत घोषणा गरेको कटहरिया प्रहरी कार्यालयले बताएका छन्। मृतक पटेलको शव पोष्टमार्टमको लागि जिल्ला अस्पताल गौर पठाईएको छ। ईलाका प्रहरी कार्यालय गरूडाले दुर्घटना बारे थप्प अनुसन्धान हुदै छ भन्ने बताए।