राजकुमार यादव

नारायणगढ-मुग्लिन सडकको सिमलतालमा गणपति डिलक्स बस दुर्घटनामा ज्यान गुमाएका परिवारलाई परोहा नगरपालिकाले तीन वटा घरपरिवार हरुलाई राहत प्रदान गरेको जनाएको छ ।

परोहा नगरपालिकाका नगर प्रमुख शेख ओकिलको अध्यक्षतामा प्रमुख प्रशासकीय अधिकृत मोहम्द महफुज अहमद,इन्जिनियर दिपेन्द्र कुमार यादव र सम्बन्धित वडाका वडाध्यक्षको संयुक्त टोलीले मृत्तकका घर घरमा पुगी प्रत्येक परिवारलाई नगद ११ हजार र चेकबाट ५० हजार रकम सहित खाद्यान्न सामग्री समेत प्रदान गरिएका छन् । 

उक्त दुर्घाटनामा ज्यान गुमाएका परोहा नगरपालिका – ४ लौकाहाका ओम राजकुमार साह , वडा ६ बासन्पटीका ऋषी कुमार सिंह र वडा ९ रामपुर खापको सिकिन्द्र दासका घर परिवारलाई राहत प्रदान गरेका छन् । राहत प्रदान गर्ने क्रममा प्रमुख टोलीले दिवंगत आत्माको चिर शान्तिको कामना गर्दै मृतकप्रति भावपूर्ण श्रद्धान्जली अर्पण गरेको छ । शोक सन्तप्त परिवारजनमा धैर्य धारण गर्ने शक्ति प्राप्त होस् भन्दै हार्दिक सम्बेदना प्रकट गरेका हुन्।