–मुकेश साह ( चन्द्रपुर )

रौतहट न्युज// रौतहटको गरुडा नगरपालिका वडान २ का नेता फेकन सहनी नेपाली काङ्ग्रेस परित्याग गरी नेकपा एमालेमा प्रवेश गरेका छन । रौतहट काठमाडौ सम्पर्क मञ्चको कार्यक्रममा उनी एमालेमा प्रवेश गरेका हुन ।

गरुडा नगरपालिकाका मेयर कन्थमणी प्रसाद जयसवालको पहलमा प्रवेश गरेका सहनीलाई नेकपा एमालेका स्थायि कमिटी सदस्य प्रभु साहले अबिर माला लगाई पार्टीमा स्वागत गरेका छन । कांग्रेस नातावाद र कृपावादमा अल्झेका कारण आफु एमालेमा प्रवेश गरेको सहनिले बताए ।

एमाले नै देशलाई नयाँ दिशा तर्फ लाने पार्टी भएकोले आफु यस पार्टीमा समाहित भएको उनको भनाई छ । एमालेबाट गरुडा नगरपालिकाको मेयर पदमा निर्वाचित भएका कन्थमणी जयसवालको लोकप्रियताले पनि अरु पार्टीबाट परित्याग गरी एमालेमा प्रबेश गर्नेको लहर चलेको एक जानकारले बताए । यस अघि जयसवालको पहलमा साउन २३ गते गौरमा भएको बृहत प्रवेश कार्यक्रममा सयौं कार्यकर्ता बिभिन्न पार्टी परित्याग गरी एमाले प्रवेश गरेका थिए ।