संवाददाता:- राजकुमार यादव

रौतहट न्यूज // मौलापुर नगरपालिकाका नयाँ प्रमुख प्रशासकीय अधिकृत शिवनरायण साह आजदेखि हाजिर भएका छन् ।  प्रमुख प्रशासकीय अधिकृत सिकिन्द्र साह भाद्र १५ गते गरूडा नगरपालिकामा सरुवा भई गएपछि मौलापुरमा प्रमुख प्रशासकीय अधिकृतको पद खालि रहेको थियो ।

साह सङ्घीय मामिला तथा स्थानीय विकास मन्त्रालयबाट सरुवा भई आएका हुन् । सोमबारबाट मौलापुर नगरपालिकामा हाजिर भएका प्रमुख प्रशासकीय अधिकृत साहले जनताका काम कानुनसम्मत हिसाबले सम्पादन हुनुपर्ने बताएका छन् ।

उनले सोमबार नै नगरपालिकाकी नगरप्रमूख रिना कुमारी साह छलफल गरी हालसम्म भए गरेका कामको जानकारी लिएका थिए । उनले नगरपालिकाबाट सम्पादन गर्नुपर्ने कामलाई चुस्त र व्यवस्थित बनाउन महाशाखा तथा शाखा प्रमुखलाई निर्देशन पनि दिएका छन् । प्रमुख प्रशासकीय अधिकृत आएपछि उपमहानगरपालिकाका रोकिएका प्रशासनिक काम नियमित हुन थालेका छन् ।