विराटनगर । प्रदेश १ मा अस्पतालमा पुनः स्वाब परीक्षण गरेर मात्र कोरोना संक्रमितलाई अस्पतालबाट घर पठाउने नीति लिइएको छ । 

अन्यत्र निश्चित दिन पूरा गरेपछि कोरोना संक्रमितलाई पुनःपरीक्षणविनै घर पठाइने गरेको विषयमा टिकाटिप्पणी भइरहँदा बिहीबार मोरङको गोठगाउँस्थित पूर्वाञ्चल विश्वविद्यालयको मेडिकल कलेज परिसरमा निर्माण गरिएको कोभिड उपचार केन्द्रबाट ४० जना डिस्चार्ज भएका छन् । तर, उनीहरू सबैको पीसीआर विधिबाट स्वाब परीक्षण गरिएको छ ।