४ असार २०७७, बिहीबार ०७:२०
0
विराटनगर । प्रदेश १ मा अस्पतालमा पुनः स्वाब परीक्षण गरेर मात्र कोरोना संक्रमितलाई अस्पतालबाट घर पठाउने नीति लिइएको छ ।
अन्यत्र निश्चित दिन पूरा गरेपछि कोरोना संक्रमितलाई पुनःपरीक्षणविनै घर पठाइने गरेको विषयमा टिकाटिप्पणी भइरहँदा बिहीबार मोरङको गोठगाउँस्थित पूर्वाञ्चल विश्वविद्यालयको मेडिकल कलेज परिसरमा निर्माण गरिएको कोभिड उपचार केन्द्रबाट ४० जना डिस्चार्ज भएका छन् । तर, उनीहरू सबैको पीसीआर विधिबाट स्वाब परीक्षण गरिएको छ ।
प्रदेश १ सरकार र पूर्वाञ्चल विश्वविद्यालयको सम्झौताअनुसार गोठगाउँमा लक्षणविहीन कोरोना संक्रमितलाई उपचार केन्द्रमा राखेर उपचार हुँदै आएको छ । गोठगाउँस्थित उपचार केन्द्रबाट असार २ गते ५२ जनाको स्वाब संकलन गरेर बीपी प्रतिष्ठान पठाइएको डिन पोखरेलले जनाएका छन् । डिस्चार्ज हुनेहरू झापा, मोरङ, सुनसरी र भोजपुरका हुन् ।
गोठगाउँमा झापाका ४४, मोरङका २३, सुनसरीका ३७, भोजपुरका ५, उदयपुरका ४, ताप्लेजुङका एक, इलामका दुई, पाँचथरका एक र भारतका एक गरी जम्मा ११८ संक्रमित भर्ना गरिएको अस्पतालले जनाएको छ । प्रदेश १ मा कोरोना संक्रमितको उपचार पूर्वाञ्चल विश्वविद्यालय मोडिकल कलेज गोठगाउँ, कोसी अस्पताल विराटनगर र बीपी प्रतिष्ठान धरानमा गर्ने व्यवस्था मिलाइएको छ ।
ट्रेन्डिङ
-
विद्यालय व्यवस्थापन समितिका पदाधिकारी हरू बिच छलफल।
कृष्णनगर, फागुन २५ रौतहट न्यूज़// युनिसेफ नेपाल र कृष्णनगर नगरपालिकाको सहकार्यमा बाल बालिका माथि हुने सबै प्रकारका हिंसा लगायत अनुसासनको...
- माधव नारायण नगरपालिकाको पाँचौ नगर सभा सम्पन ,
- एमाले महिला मेयर रीनाकुमार साह द्वारा नगर भरी विजयी जुलुस ।
- नेपाली काङ्ग्रेस बरहथवा-१५ को ४१ सदस्यीय टोल समिति गठन
